AIKOR TXORIERRIKO ALDIZKARIA
Hiriak
gero eta irisgarriagoak dira mugikortasun arazoak dituztenentzat edo
desgaitasunen bat dutenentzat. Hala ere, lagun horiek oraindik badituzte arazo
larriak naturatik mugitzeko. Egoera horri aurre egiteko, hiru gaztek Azeri
Natura proiektua jarri dute martxan Txorierrin. Hemendik aurrera, edozeinek
izango du naturaz gozatzeko aukera.
Naturarekiko maitasunak batzen ditu Pablo Mariz, Javier Fernández eta Xabier Solorzano. Naturak eta Politeknika Ikastegia Txorierrik, noski, bertan ezagutu zutelako elkar. Hirurek Ingurumen Heziketa eta Kontroleko goi-mailako zikloa ikasi zuten Derion, eta hori amaitutakoan, Azeri Natura enpresa sortu zuten, Politeknikako irakasleen laguntzarekin. Azeri Naturak ingurumen-hezkuntza, xendazaletasun egokitua eta turismo inklusiboa eskaintzen ditu, besteak beste.
Proiektua erabat aitzindaria da. Alde batetik, partaideen heziketa oso berria delako. “Ingurumen Heziketa zikloa Derion eta Somorrostron baino ezin da ikasi Bizkaian, eta Txorierrin, azken hiru urteotan. Beraz, gure formazioa duten lagun gutxi daude”, esan digu Pablok. Bestetik, Euskal Herri mailan zerbitzu bakar batzuk eskaintzen dituztelako. Adibidez, Azerikoak elbarrituak mendira eramateko gauza dira. “Gurpildun aulki berezi batzuk erabiltzen ditugu, mugikortasun-arazoak dituzten lagunak, Artxanda, Pagasarri edo Oiz mendietara eramateko”.
Beste zerbitzu
berezi bat hau da: ikastaroak eta erakustaldiak antolatzen dituzte hegazti
harrapariekin, Harris arrano birekin, hain zuzen ere. “Leku batzuetan animaliak
erabiltzen dira terapiak-eta egiteko, baina geuk bakarrik erabiltzen ditugu
hegazti harrapariak. Horien bidez, zentzumenen estimulazioa lortzen dugu.
Harrapariei buruz orduak eta orduak eman ahal ditut hitz egiten, baina
zertarako balio du horrek, zuk zeuk lumak, begiak, atzaparrak zuzenean ikusten
ez badituzu, hegaztiak hegan egiten zuzenean ikusten ez badituzu?”, dio
Javierrek, harraparien arduradunak.
Gainera, beste
zerbitzu arruntagoak ere ematen dituzte: arrastoak eta aztarnak identifikatzeko
ikastaroak, hitzaldiak, bisitak... “Ibilbideak landu ditugu, eta haietan
lekuaren historia, zuhaitz motak eta bertoko animaliak azaltzen ditugu, besteak
beste. Balore ekologiko eta naturalak transmititzen dizkiegu gure bezeroei,
naturarekiko maitasuna eta errespetua pizteko haiengan”, azaldu digu Xabierrek.
Multzoka
Enpresa duela hilabete batzuk jarri zuten martxan, eta tarte horretan denetariko bezeroak izan dituzte: enpresak, elkarteak, lagunak... “Normalean multzoka egiten dugu lan, zortzi lagunetik gora. Guk ekintza batzuk eskaintzen ditugu, baina neurrira ere egiten dugu lan, hau da, bezeroen beharrizanen arabera. Esate baterako, neska batek esan digu aita Gorbeiara eraman nahi duela, eta gu hori egiteko lanean gabiltza. Gainera, etorkizunari begira, eskolaz kanpoko ekintzak antolatu nahi ditugu eskoletarako”.
Multzoka
Enpresa duela hilabete batzuk jarri zuten martxan, eta tarte horretan denetariko bezeroak izan dituzte: enpresak, elkarteak, lagunak... “Normalean multzoka egiten dugu lan, zortzi lagunetik gora. Guk ekintza batzuk eskaintzen ditugu, baina neurrira ere egiten dugu lan, hau da, bezeroen beharrizanen arabera. Esate baterako, neska batek esan digu aita Gorbeiara eraman nahi duela, eta gu hori egiteko lanean gabiltza. Gainera, etorkizunari begira, eskolaz kanpoko ekintzak antolatu nahi ditugu eskoletarako”.
Azeri Natura
enpresaren egoitza Politeknika Ikastegia Txorierrin bertan dago, eta gure
bailaran ere ari dira. “Enpresa sortu genuenean, Txorierriko
Mankomunitatearekin hitz egin genuen eta harremanetan jarri gaituzte hemengo
taldeekin. Ondorioz, Gure Señeak elkartearekin batera ospatuko dugu Gaixotasun
Arraroen Eguna, otsailaren 28an, Derion. Hainbat ekintza antolatuko ditugu:
xendazaletasun egokitua, arrasto-jokoa, hitzaldiren bat eta erakustaldi bat
arranoekin”.
Gaur egun,
ingurumen hezkuntza parketxeetan, hau da, ingurumena ezagutzeko zentroetan
baino ez da eskaintzen. Azeri Naturak ere ematen du, eta gainera, leku zehatz
eta jakinetatik kanpo ateratzen du eta edozein tokitara eramaten du. “Urrats
bat haratago joaten saiatzen gara. Askotan, jendeak uste du naturaz gozatzeko,
mendira joan behar dela, baina hori ez da egia. Esate baterako, guk leku
itxietara eraman ditugu arranoak”.
Azeri Naturakoek
leku guztietara ez ezik lagun guztiengana ere gerturatzen dute natura: ibili
ahal diren, elbarritu, itsu, gor, ume, nagusiengana... “Parketxeetako instalazioak
elbarrituentzat egokitu dituzte, baina besterik ez. Bideoek ez dute
azpititulurik, ez dute gureak bezalako aulkirik, argibide-taulak ez daude
braille hizkuntzan.... Guk, esate baterako, pote usaindunak ditugu eta fitxa
batzuk lantzen gabiltza braillen, eta ahal izanez gero, soinua ere gaineratuko
dizkiegu. Erraza da esaten zerbitzu bat egokituta dagoela, baina zaila, hori
benetan egiten. Guk esfortzu handia egiten dugu benetan guzti-guztiengana
heltzeko”.
Natura bokaziotzat
Pablo Mariz (Bilbo, 37 urte). “Txikitatik natura gertu-gertu izan dut eta beti gustatu zait. Lehen metalgintzan egiten nuen lan, baina langabezian gelditu nintzenean, nire benetako bokazioaren bila ibili nintzen, natura, eta horregatik joan nintzen Politeknika Ikastegira, Ingurumen Hezkuntza eta Kontroleko zikloa ikastera”.
Natura bokaziotzat
Pablo Mariz (Bilbo, 37 urte). “Txikitatik natura gertu-gertu izan dut eta beti gustatu zait. Lehen metalgintzan egiten nuen lan, baina langabezian gelditu nintzenean, nire benetako bokazioaren bila ibili nintzen, natura, eta horregatik joan nintzen Politeknika Ikastegira, Ingurumen Hezkuntza eta Kontroleko zikloa ikastera”.
Javier Fernández
(Armintza, 28 urte). “Gaztetan apur bat galduta nenbilen, ez nekien zer egin
edo ikasi. Natura beti izan da oso garrantzitsua niretzat eta horregatik
zikloan sartu orduko, argi nuen horretan lan egin behar nuela”.
Xabier Solorzano
(Arrigorriaga, 28 urte). “Oso mendizalea naiz, ia astebururo joan behar dut
mendira; bestela, haserre ibiltzen naiz aste osoan zehar (kar, kar). Hasiera
batean, Topografia ikasi nuen, naturan lan egin nahi nuelako. Baina karrerak ez
zuen horrekin zerikusi handirik, eta azkenean Ingurumen Hezkuntza eta
Kontroleko zikloa ikasi nuen”.